ରାଜନନ୍ଦିନୀ

0

ସବୁ ବାପ ପାଇଁ ତାଙ୍କ କନ୍ୟା ପରା
ଘରର ରାଜନନ୍ଦିନୀ
ଗରିବ ହେଉ କି ହେଉ କୋଟି ପତି
ଭାରି ଶ୍ରଦ୍ଧା ରେ ପାଳନ୍ତି………..||

ବାପ ଘରେ ମିଳେ ସବୁ ସୁଖ ଶାନ୍ତି
ଯାହାର ଯେମିତି ଅଛି
ବୋହୂ ହେଲା ପରେ ଭାଗ୍ୟ ତ ବଦଳେ
ବଦଳେ ତ ସବୁକିଛି………||

କାହାକୁ ତ ମିଳେ ଭଲ ପରିବାର
ଭଲ ସ୍ୱାମୀ ଓ ସଂସାର
ଖୁସି ଟି ବୋହୂର ଦ୍ୱି ଗୁଣିତ ହୁଏ
ସୁଖ ଶାନ୍ତି କରେ ଘର………..||

ସମସ୍ତଙ୍କ ଭାଗ୍ୟେ ଲେଖାତ ନଥାଏ
ଭଲ ସ୍ୱାମୀ ଓ ସଂସାର
ସେଠାରେ ବୋହୂ ଟି ପାଏ ତ ଯାତନା
ଥାଉ ଗୁଣ ତା ହଜାର…………||

ମରିମରି ସିଏ ନିତି ବଞ୍ଚୁଥାଏ
ଭୋଗୁଥାଏ ସେ କଷଣ
ଦୁହିତା ପରାସେ ଦୁଇକୁଳ ହିତା
ନ କହି ରହେ ମଉନ…………..||

ଶାଶୁ ଓ ଶ୍ୱଶୁର ଦେଲେ ତ କଷଣ
ସ୍ୱାମୀ ସ୍ନେହେ ଭୁଲି ହୁଏ
ସ୍ୱାମୀଙ୍କ ମୁହଁରୁ ମିଳିଲେ ସାନ୍ତ୍ୱନା
କଷ୍ଟ ସବୁ କମିଯାଏ………||

ସ୍ୱାମୀ ଯଦି ହୁଏ ଦୁଃଖର କାରଣ
କାହାକୁ କହିବ ଯାଇ
ଜୀବନଟି ତାର ନରକ ପାଲଟେ
ସୁଖ ଶାନ୍ତି ରହେନାହିଁ………..||

ଛାଡି ସେ ଆସିଛି ତାର ପରିବାର
ବାପ ମା ସାଙ୍ଗ ସାଥୀ
ତୁମଠି ରଖିଛି ଅତୁଟ ବିଶ୍ୱାସ
ତୁମ ବ୍ରତେ ହେବ ବ୍ରତୀ……………….||

ସ୍ୱାମୀ ଠାରୁଯଦି ପାଏ ସେ ଯନ୍ତ୍ରଣା
ତୁଟିଯାଏ ତା ବିଶ୍ୱାସ
ହୃଦୟ ଭାଙ୍ଗିଲେ ଭରସା ତୁଟଇ
ଭାଙ୍ଗିଯାଏ ତ ସଂସାର…………….||

କେବେ ଧୈର୍ଯ୍ୟ ଧରେ କେବେ ଭାଙ୍ଗିପଡେ
କେବେ ହାରେ ସେ ଜୀବନ
ବାପ ଘର ସୁଖ ଭାରି ମନେପଡେ
ସେ ସବୁ ସାତ ସପନ……….||

ଦୁଃଖ କଷ୍ଟ ଦେଲେ କି ଲାଭ ମିଳୁଛି
କର ଯେ ଆତ୍ମ ଚିନ୍ତନ
ଭରସା କରି ସେ କେତେ ଆଶାନେଇ
ବାନ୍ଧିଥିଲା ପରା ବନ୍ଧନ…………..||

ପୁଷ୍ପାଞ୍ଜଳି ରାଉତ
ଢେଙ୍କାନାଳ, ମହିଷାପାଟ

Leave A Reply

Your email address will not be published.

1 + 6 =