ଖୁସି କୁ ବାଣ୍ଟିଲେ ହୁଅଇ ଅଧିକ,
ଦୁଃଖକୁ ବାଣ୍ଟିଲେ ଅଧା
ଜୀବନ ଅଛିତ ଦୁଃଖ କଷ୍ଟ ଅଛି,
କାହିଁ ଏତେ କର ଚିନ୍ତା……||
ହୃଦୟକୁ କର କୋମଳ ନରମ,
ଆଶା କୁ ରଖ ଆୟତ୍ତେ
ନିଜକୁ କରିବ ଶକ୍ତ ମଜବୁତ୍,
ଭାଙ୍ଗିବ ନାହିଁ ବିପଦେ……||
ଅନ୍ୟର ଦୁଃଖକୁ ଭଲଭାବେ ଶୁଣି,
କିଛିତ ସାହାଯ୍ୟ କର
ନିଜେ ଯେବେ ଦୁଃଖ କଷ୍ଟେ ପଡିଥିବ,
ଦୟା କରିବେ ଈଶ୍ୱର……||
ଧନୀ ଗରିବ ର ଭେଦ ଭାବପରା,
ଆମ ସମାଜରେ ଅଛି
ଅସମ୍ମାନ କାହିଁ କାହାକୁ କରିବା,
ସବୁ ପ୍ରଭୁଙ୍କର ସୃଷ୍ଟି………||
ସୁବିଧା ସୁଯୋଗ ଉଣ୍ଡି ଲୋକମାନେ,
ଅନ୍ୟ ଧନକୁ ଲୁଟନ୍ତି
ପରିଶ୍ରମ କଲା ତାର ଧନହେଲା,
ପଛରୁ ଗୋଡ ଟାଣନ୍ତି……||
ସଫଳତା ଯିଏ ପାଇଛିତ ଭାଇ,
ତା ଲାଗି କରିଛି ଶ୍ରମ
ତୁମେ ଦେଖି କାହିଁ ହୁଅ ହାଇଁ ପାଇଁ,
ନିଜେ କିଛି ଚେଷ୍ଟା କର…….||
ଭଲକାମ କଲେ ଗୋଡ ଟାଣିବାକୁ,
ହଜାରେ ଲୋକ ଆସନ୍ତି
ଭୂଲ କିଛି ହେଲେ ନିନ୍ଦା କରିବାକୁ,
ସେମାନେ ଆଗରେ ଥାନ୍ତି…….||
ଯେତେବେଳେ ତାଙ୍କ କଥା ପଡିଥାଏ,
ହୋଇଯାନ୍ତି ପୁରା ଚୁପ୍
କହନ୍ତି ମଣିଷ ଜନମ ପାଇଛୁ,
ହେଇଗଲା ଟିକେ ଭୁଲ୍……||
ପରଉପକାର ଭାବନା ମନରେ,
ସଦା ରଖିଥିବ ଭାଇ
ଉପକାର ଯଦି କାହାର କରିଛ,
ପ୍ରଭୁ ଭୁଲିଯିବେ ନାହିଁ………||
ପୁଷ୍ପାଞ୍ଜଳି ରାଉତ
ମହିଷାପାଟ,ଢେଙ୍କାନାଳ
