ମୌସୁମୀ

0

ଦରିଆ ପାରିରୁ ଆସୁଥିଲା ଆସୁ
                      ଅଛି ମଉସୁମୀ ଆଜି
ଦାରୁଣ ନିଦାଘ ଦାଉ ସାଧୁଥୁଲା
                       ବୁଦ୍ଧି ଯିବ ତାର ହଜି ।
କଳା ହାଣ୍ଡିଆ ଯା ମେଘ ଭାସି ଆସି
                      ବରଷାରେ ଦେବ ହସ
ମାଆ ମାଟି ସାଥେ ଯେତେଛନ୍ତି ଜୀବ
                       ସଭିଏ ହେବେ ହରଷ ।
ଜୀଆ ମଣକର ବିକଟାଳ ସ୍ଵର
                     ଦଶ ଦିଗ କପି ଯାଏ
ସବୁଜ ପ୍ରାନ୍ତରେ ସାଧବ ବୋହୁର
                     ଥିରି ଚାଲି ମନ ମୋହ ।
ଚାଷ ପାଇଁ ବେଶୀ ଚାଷୀ ଭାଇ ଖୁସି
                   ମଉସୁମୀ ଯେବେ ଆସେ
ପାଇ ବାରିଧାରା ଧରଣୀ ମା ‘ ପରା
                        ସୁନ୍ଦର ଆହା ଦିଶେ ।

ଦୁର୍ଯ୍ୟୋଧନ ଭୂତିଆ
ଛେଣ୍ଡିପଦା   

Leave A Reply

Your email address will not be published.